உயர்கல்வி சேர்க்கையில் பல்வேறு சலுகைகளை அரசு வழங்கி வருவதால், மாணவர்கள் அதிக அளவில், அரசு பள்ளிகளில் சேர ஆர்வம் காட்டி வருவதாக, தலைமை ஆசிரியர்கள் தெரிவித்துள்ளனர்.
பத்தாம் வகுப்பு பொது தேர்வு முடிவுகள் வெளியான நிலையில், அரசு பள்ளிகளில் 11-ம் வகுப்பு மாணவர் சேர்க்கை நடைபெற்று வருகிறது. அதேபோன்று ஆறாம் வகுப்பிலும், இதர வகுப்புகளிலும் மாணவர் சேர்க்கை நடைபெற்று வருகிறது.
உயர்கல்வியில் அரசு பள்ளிகளில் படித்த மாணவர்களுக்கு, உயர்கல்வியில் பல்வேறு சலுகைகள் அளிக்கப்படுவதன் காரணமாகவும் , வேறு பல்வேறு திட்டங்கள் காரணமாகவும் , அரசு பள்ளிகளில் சேர மாணவர்கள் அதிக ஆர்வம் காட்டுவதாக தலைமை ஆசிரியர்கள் தெரிவித்துள்ளனர்.
சென்னை அரும்பாக்கத்தில் உள்ள அரசு மாதிரி மேல்நிலைப் பள்ளியில் 2 ஆயிரத்து 600 மாணவர்கள் படித்து வரும் நிலையில், தற்போது அதிக அளவிலான மாணவர்கள் சேருவதற்காக வருவதாக தலைமையாசிரியர் பிரபுதாஸ் தெரிவித்துள்ளார்.
