வட்டார அளவிலான உயர் கல்வி போட்டித் தேர்வு பயிற்சி மையங்களில் முதுகலை ஆசிரியர்களை சுழற்சி முறையில் நியமிக்க பள்ளிக் கல்வி இயக்குநர் உத்தரவு.
அனைத்து மாவட்ட முதன்மைக் கல்வி அலுவலர்கள் இணைப்பில் கண்டுள்ள வட்டார மைய பள்ளிகளில் நடைபெறும் பயிற்சியில் இயற்பியல் , வேதியியல் , கணிதம் , தாவரவியல் , விலங்கியல் , வணிகவியல் , கணக்குப் பதிவியல் , வணிகக் கணிதம் ஆகிய முதுகலை பாட ஆசிரியர்கள் சுழற்சி முறையில் நியமிக்கப்பட்டுள்ளதை உறுதி செய்துகொள்ள வேண்டும் என அறிவுறுத்தப்படுகிறது.
மேலும் இப்பயிற்சிகள் தங்கு தடையின்றி நடைபெற ஏதுவாக , சார்ந்த வட்டாரத்திலுள்ள மையப் பள்ளித் தலைமை ஆசிரியர் / மையப் பள்ளியின் உதவித் தலைமையாசிரியர் ஒவ்வொரு வாரமும் பணிபுரிவதை உறுதி செய்திடவும் தெரிவிக்கப்படுகிறது.
சனிக்கிழமைதோறும் இப்பயிற்சியில் பங்கேற்கும் ஆசிரியர்கள் மற்றும் தலைமை ஆசிரியர்கள் / உதவித் தலைமையாசிரியர்களுக்கு மதிப்பூதியம் ரூ .1000 / - ( ரூபாய் ஆயிரம் ) மாதிரிப் பள்ளிகள் வழியாக வழங்கப்படும் என்றும் தெரிவிக்கப்படுகிறது .
No comments:
Post a Comment