சுதந்திர தின விழா: தேசியக்கொடி ஏற்றுவதில் புதிய நெறிமுறைகள்!
அரசு வெளியிட்ட முக்கிய அறிவிப்பு
கிராம ஊராட்சிகளில் உள்ள அரசு அலுவலகங்கள் மற்றும் பள்ளிகளில் சுதந்திர தினம் மற்றும் குடியரசு தின விழா நாட்களில் தேசியக்கொடி ஏற்றுவது தொடர்பாகத் எழும் குழப்பங்களைத் தவிர்க்கும் வகையில், ஊரக வளர்ச்சி மற்றும் ஊராட்சி இயக்ககம் புதிய தெளிவுரைகளையும் வழிகாட்டுதல்களையும் வெளியிட்டுள்ளது.
இது தொடர்பாக, ஊரக வளர்ச்சி மற்றும் ஊராட்சி இயக்கக ஆணையர் மரு. தாரேஸ் அஹமது, இ.ஆ.ப., அனைத்து மாவட்ட ஆட்சித்தலைவர்களுக்கும் அனுப்பியுள்ள சுற்றறிக்கையில் குறிப்பிடப்பட்டிருப்பதாவது:
ஊராட்சி மன்றத் தலைவர்கள் & பள்ளிகள்:
கிராம ஊராட்சி அலுவலகங்கள்: கிராம ஊராட்சியின் அலுவலகக் கட்டிடத்தில் அமைந்துள்ள கொடிக்கம்பத்தில், மூவர்ண தேசியக்கொடியை ஏற்றி வைக்கும் முழுப் பொறுப்பும் அந்தந்த கிராம ஊராட்சித் தலைவர்களையே சாரும்.
அரசு மற்றும் ஊராட்சி ஒன்றியப் பள்ளிகள்:
உள்ளூர் அரசுப் பள்ளிகள் மற்றும் ஊராட்சி ஒன்றியப் பள்ளிகளில் தேசியக்கொடியை ஏற்றுவது தொடர்பான பொறுப்பு அப்பள்ளிகளின் தலைமை ஆசிரியர்களையே சாரும். பள்ளிக்கல்வித் துறை வழங்கும் வழிகாட்டுதல்கள் மற்றும் அறிவுரைகளின்படியே பள்ளிகளில் கொடியேற்றப்பட வேண்டும். குழப்பங்களைத் தவிர்க்க அறிவுறுத்தல்:
தேசியக்கொடி ஏற்றும் நிகழ்வானது குறிப்பிட்ட கால அளவுக்குள் (Fixed Time) நடைபெற வேண்டிய முக்கிய சடங்காகும். ஊராட்சிகளில் உள்ள பள்ளிகளில் கொடியேற்றுவது குறித்து சரியான நெறிமுறைகள் தெளிவுபடுத்தப்படாததால், கிராம ஊராட்சித் தலைவர்கள் பள்ளிகளிலும் கொடியேற்ற முயலும்போது சில இடங்களில் நடைமுறைச் சிக்கல்களும் பிரச்சினைகளும் ஏற்படுகின்றன.
இதனைக் கருத்தில் கொண்டு, ஊராட்சித் தலைவர்கள் தங்கள் ஊராட்சி அலுவலகங்களிலும், பள்ளித் தலைமை ஆசிரியர்கள் தங்களது பள்ளிகளிலும் முறைப்படி கொடியேற்றுவதை உறுதி செய்யுமாறு அனைத்து கிராம ஊராட்சி மன்றத் தலைவர்களுக்கும் உரிய அறிவுறுத்தல்களை வழங்குமாறு மாவட்ட ஆட்சியர்களுக்கு ஆணையர் கேட்டுக்கொண்டுள்ளார்.
(ஆதாரம்: ஊரக வளர்ச்சி மற்றும் ஊராட்சி இயக்கக ஆணையர் கடித எண்: ந.க.எண்.73232/2021/ஊராட்சி .2.3, நாள்: 01.03.2023)
சுதந்திர தின விழா -தேசியக்கொடி ஏற்றுதல்- செயல்முறை ஆணை
Click Here to Download - Flag Hoisting - Govt Letter - Pdf
No comments:
Post a Comment