தமிழக அமைச்சரவை கூட்டம், நாளை (பிப்.13) நடக்க உள்ளது.
தமிழக அரசு சார்பில், இம்மாதம் கடைசி வாரத்தில், இடைக்கால பட்ஜெட் தாக்கல் செய்யப்பட உள்ளது. சட்டசபை தேர்தலையொட்டி, பட்ஜெட்டில், முக்கிய அறிவிப்புகள் இடம் பெற உள்ளன.
மேலும், பட்ஜெட் கூட்டத் தொடரில், பெண்களை கவரும் வகையில், பல்வேறு சலுகைகள் மற்றும் புதிய திட்டங்களை, 110 விதியின் கீழ், முதல்வர் அறிவிக்க உள்ளதாக, தகவல் வெளியாகி உள்ளது.
இவற்றுக்கு ஒப்புதல் அளிப்பதற்காக, தமிழக அமைச்சரவை கூட்டம், நாளை காலை, 11:30 மணிக்கு, தலைமைச் செயலகத்தில், முதல்வர் இ.பி.எஸ்., தலைமையில் நடக்க உள்ளது.
இந்த 6 மாத கால இடைக்கால பட்ஜெட்டில் என்னென்ன முக்கிய அம்சங்களை இடம்பெற செய்யலாம் என்பது குறித்து ஆலோசிக்க அமைச்சரவை கூட்டம் கூட்டப்படுகிறது.
இந்த கூட்டத்தில் பட்ஜெட்டுக்கு இறுதி வடிவமும் கொடுக்கப்பட உள்ளது. அநேகமாக 22-ந் தேதிக்குபிறகு சட்டசபை பட்ஜெட் கூட்டத்தொடர் நடைபெறலாம் என எதிர்பார்க்கப்படுகிறது.
