தங்கம் விலையில் நேற்று
அதிரடியாக சவரனுக்கு ரூ.200 குறைந்தது. இன்னும் விலை குறைய வாய்ப்புள்ளதாக நகை வியாபாரிகள் கூறியுள்ளனர். தங்கம் விலையில் இந்த மாதம் தொடக்கத்தில் இருந்து ஏறுவதும், இறங்குவதுமான போக்கு காணப்பட்டு வருகிறது.
சில நாட்களில் தங்கம் விலை தொடர்ந்து குறைந்த நிலையும் இருந்தது. இந்நிலையில், கடந்த 26ம் தேதி முதல் தொடந்து தங்கம் விலை குறைந்து வருகிறது. அதாவது, கடந்த 26ம் தேதி ஒரு சவரன் தங்கம் ரூ.23,504, 27ம் தேதி (நேற்று முன்தினம்) ஒரு சவரன் தங்கம் ரூ.23,432க்கும் விற்கப்பட்டு வந்தது. நேற்றும் 3வது நாளாக தங்கம் விலை அதிரடியாக குறைந்தது. அதாவது, கிராமுக்கு 25 குறைந்து ஒரு கிராம் 2,904க்கும், சவரனுக்கு 200 குறைந்து ஒரு சவரன் 23,232க்கும் விற்கப்பட்டது.